Sjálfstæðismenn unnu skemmdarverk á REI

Skemmdarverk Sjálfstæðisflokksins á vörumerkinu REI má líklega meta á milljarðatugi, segir Össur Skarphéðinsson iðnaðarráðherra á bloggi sínu dag. Hann er harðorður í garð Sjálfstæðismanna og segir harðvítugustu innanflokksátök seinni ára í Sjálfstæðisflokknum hafa nánast ónýtt vörumerki REI og stórskaðað viðskiptavild Orkuveitunnar.

Þá telur Össur sig merkja að sexmenningarnir í borgarstjórnarflokki Sjálfstæðismanna hafi gjörsnúist í málinu. Þar vísar hann til orða Júlíusar Vífils í fréttum Ríkisútvarpsins í gær þar sem hann lýsti yfir vilja sínum til að REI starfaði með öðrum félögum og jafnvel sameinist þeim.