Starfsmenntaverðlaunin 2007 afhent

Icelandair, Miðstöð símenntunar á Suðurnesjum og Þórunn H. Sveinbjörnsdóttir hlutu Starfsmenntaverðlaunin 2007 sem afhent voru í húsi BSRB á fimmta tímanum í dag.

Icelandair hlaut verðlaunin í hópi fyrirtækja og félagasamtaka, Miðstöð símenntunar á Suðurnesjum í flokki skóla og fræðsluaðila og Þórunn H. Sveinbjörnsdóttir fyrrverandi varaformaður Eflingar í opnum flokki.

Ólafur Ragnar Grímsson forseti Íslands afhenti verðlaunin sem eru veitt þeim sem þykja vinna framúrskarandi starf í starfsmenntun, hvort sem um er að ræða skóla, fyrirtæki eða stofnanir sem sinna vel fræðslumálum starfsmanna sinna.

Starfsmenntaráð félagsmálaráðuneytisins stendur að verðlaununum.