Sköðuðust ekki í eiturefnaleka í Írafossi

Öll sex manna áhöfn flutningaskipsins Írafoss var flutt til skoðunar á eiturefnadeild Landsspítalans í gærkvöldi, eftir að eitruð efni bárust inn í vistarverur skipverja. Engin skaðaðist varanlega.

Slökkvilið höfuðborgarsvæðisins var með töluverðan viðbúnað eftir að beiðni um aðstoð barst á tíunda tímanum vegna eiturefnaleka í lestum skipsins þar sem það lá í Sundahöfn.

Samkvæmt upplýsingum frá slökkviliðinu var um að ræða gastegund sem notuð er til þess að drepa skordýr í lestum hveitiflutningaskipa. Vindur stóð þannig í höfninni í gærkvöldi að eiturefnið barst inn í vélarrúm og vistarverur skipverja og fór viðvörunarbúnaður í gang af þeim sökum.

Slökkvililið sendi reykkafara inn í skipið til þess að kanna aðstæður og voru skipverjarnir allir fluttir á eiturefnadeild slysadeildar til rannsóknar. Engin reyndist hafa orðið fyrir alvarlegri eitrun og voru fjórir undirmenn sendir á hótel þar sem þeir gistu í nótt en tveir yfirmenn vöktuðu skipið.

Allt er nú komið í eðlilegt horf um borð en skipið, sem er í eigu Eimskips, er skráð í Saint Jones í Karíbahafinu og er áhöfnin öll erlend.