Nýr framkvæmdastjóri Hrafnistuheimilanna

Pétur Magnússon hefur verið ráðinn framkvæmdastjóri Hrafnistuheimilanna frá og með 31. janúar. Hann tekur við af Sveini Skúlasyni sem gegnt hefur starfi forstjóra í tæp 10 ár en hefur nú ákveðið að hætta.

Eftir því sem fram kemur í tilkynningu frá Hrafnistuheimilunum hefur Pétur unnið að markaðs- og kynningamálum fyrir alþjóðleg lyfjafyrirtæki í ellefu ár, nú síðustu þrjú ár sem æðsti maður lyfjafyrirtækisins Merck Sharp & Dohme á Íslandi. Pétur hefur auk þess gegnt trúnaðarstörfum fyrir Íþrótta- og ólympíusamband Íslands og Lyfjafræðingafélag Íslands og hann er formaður Knattspyrnudeildar Aftureldingar í Mosfellsbæ.