Innlent

Sjö af hverjum tíu ljúka háskólanámi innan tíu ára

MYND/GVA

Rúmlega 70 prósent þeirra sem skrá sig í háskólanám á Íslandi ljúka því innan tíu ára. Þetta sýna nýjar tölur Hagstofu Íslands um brautskráningarhlutfall.

Þar er vísað til þess að árið1996 hófu rúmlega tvö þúsund manns nám á háskólastigi á Íslandi. Árið 2006 höfðu rúmlega 1400 úr hópi nýnemanna lokið náminu. Brautskráningarhlutfallið reyndist hærra meðal kvenna en karla og þannig luku nærri 74 prósent kvenna námi á þessu 10 ára tímabili en 65 prósent karla. Tölur Hagstofunnar leiða enn fremur í ljós að fimm árum eftir að nám hófst hafði nærri helmingur nemenda lokið háskólanámi.

Brautskráningarhlutfallið á Íslandi reyndist tæp 69 prósent árið 2004 og er það nálægt meðaltali OECD-ríkjanna að sögn Hagstofunnar. Tölur OECD sýna að brautskráningarhlutfall er yfirleitt hærra í löndum þar sem nám til fyrstu háskólagráðu er stutt en lægra þar sem lengra nám liggur að baki fyrstu háskólagráðu.

Mest lesið


Fleiri fréttir

Sjá meira


×

Mest lesið