Dómur tvöfaldaður vegna aksturs án ökuréttinda

Hæstiréttur þyngdi í dag dóm héraðsdóms yfir karlmanni sem sakfelldur var fyrir að aka bifreið án ökuréttinda. Hafði héraðsdómur dæmt hann í þriggja mánaða skilorðsbundið fangelsi en Hæstiréttur tvöfaldaði þann dóm.

Með því að aka bíl án ökuskírteinis í umrætt sinn rauf maðurinn reynslulausn sem honum hafði verið veitt á 170 dögum óafplánaðrar refsingar. Var tekið tillit til þess við ákvörðun refsingar en honum virt til tekna að hann hefði náð góðum tökum á lífi sínu og væri í fastri vinnu eftir að hafa setið í fangelsi.