Innlent

Valtýr Sigurðsson ráðinn ríkissaksóknari

Jón Hákon Halldórsson skrifar
Valtýr Sigurðsson er nýr ríkissaksóknari.
Valtýr Sigurðsson er nýr ríkissaksóknari.
Valtýr Sigurðsson, forstjóri Fangelsismálastofnunar, hefur verið ráðinn í embætti ríkissaksóknara. Valtýr segist kveðja Fangelsismálastofnun með miklum söknuði.

„Þetta er búið að vera alveg einstakur tími hér. Það er leitun að öðru eins fagfólki og hér starfar," segir hann um samstarfsmenn sína sem hann mun senn kveðja.

„En það er spennandi að takast á við ný verkefni," segir Valtýr. Hann mun hefja störf þann 1. janúar næstkomandi.

Sex umsóknir bárust um embætti ríkissaksóknara en umsóknarfrestur rann út á mánudag. Þeir sem sóttu um voru, auk Valtýs, Egill Stephensen, saksóknari við embætti ríkissaksóknara, Guðjón Ólafur Jónsson, hæstaréttarlögmaður, Jón H. Snorrason, aðstoðarlögreglustjóri og saksóknari embættis lögreglustjórans á höfuðborgarsvæðinu, Ólafur Þór Hauksson, sýslumaður á Akranesi og Sigríður J. Friðjónsdóttir, saksóknari við embætti ríkissaksóknara

Mest lesið


Fleiri fréttir

Sjá meira


×

Mest lesið