Aukinn áhersla á fíkniefnabrotamál skilar árangri

„Lögreglan hefur lagt aukna áherslu á fíkniefnabrotamál," segir Geir Jón Þórisson yfirlögregluþjónn í Reykjavík. Fíkniefnabrotamálum lögreglunnar fjölgaði um 25% á árinu 2006, samkvæmt skýrslu sem birt var í dag.

Geir Jón segist ekki vita hvaða áhrif vinna lögreglunnar hafi á fíkniefnamarkaðinn til lengri tíma. „Það er erfitt að segja. Því miður er alltaf eftirspurn eftir fíkniefnum og framboð til staðar," segir hann. Hann leggur áherslu á að lögreglan leggi mikla vinnu í það að ná sölumönnum.

„Svo gefur þessi vinna okkur aukið vægi í forvarnarmálum," segir Geir Jón. Hann bendir á að rannsóknir sýni að grunnskólabörn vilji síður neyta tóbaks og vímuefna nú en áður.