Ístak hefur lokað mig af

Íbúar við Grettisgötuna sem eiga baklóðir að bílastæðahúsi því sem reist var á Stjörnubíóreitnum svokallaða eru mjög óánægðir með fráganginn við baklóðir sínar. "Ístak hefur eiginlega lokað mig af hvað varðar aðgengi að baklóð minni," segir Hjördís Jóhannsdóttir íbúi á Grettisgötu 83.

 

Loftur Árnason framkvæmdastjóri Ístaks, sem byggði bílastæðahúsið og íbúðir þær sem standa ofan á því segir að fyrirtækið hafi farið að einu og öllu eftir því skipulagi sem lagt var upp með.

 

Hjördís Jóhannsdóttir segir að í stað þess að hafa gangstíg á milli lóðanna eins og eðlilegt væri var aðeins settur upp kantsteinn. Þetta hafa það í för með sér að ef bílum er lagt við kantsteininn komist hún ekki út af lóð sinni. "Og sorphirðan er nær ómögulegt þegar bílum er lagt þarna þar sem ekki er hægt að keyra sorptunnurnar út af lóðinni," segir Hjördís.

 

Hjördís og aðrir íbúar sem eiga baklóðir að bílastæðahúsinu hafa átt í töluverðum bréfaskriftum við borgaryfirvöld um málið. "En það gerist ekki neitt þrátt fyrir ýmis loforð borgaryfirvalda um aðgerðir," segir Hjördís. "Síðast fyrir nær ári síðan var okkur tilkynnt að Ístak yrði gert að lagfæra þennan frágáng og að dagsektum yrði beitt ef það yrði ekki gert. En ekkert hefur breyst."

 

Loftur Árnason kannast ekki við bréfaskriftir frá borgaryfirvöldum og ítrekar að frágangurinn hafi verið í samræmi við skipulagið á reitnum.