Samið um hjálma fyrir fyrstubekkinga næstu þrjú ár

Öll börn í fyrsta bekk grunnskóla á næstu þremur árum munu fá gefins reiðhjólahjálm samkvæmt samkomulagi sem Kiwanishreyfingin, Eimskip og Safalinn hafa gert.

Eimskip og Kiwanishreyfingin hafa staðið að sams konar hjálmagjöfum undanfarin fjögur ár og hafa um 20 þúsund börn notið góðs af því eftir því sem segir í tilkynningu frá Eimskip. Áhersla hefur verið lögð á að velja vandaða hjálma en það er Safalinn sem útvegar þá.

Haft er eftir Gylfa Ingvarssyni, umdæmisstjóra Kiwanis, að verkefnið hafi verið athygli á heimsvísu innan hreyfingarinnar. Talið er að samningur aðilanna þriggja nemi um 20 milljónum króna árin þrjú.