Litlar breytingar í Kauphöllinni í dag

Úrvalsvísitalan stóð nánast í stað eftir viðskipti í Kauphöll Íslands í dag og stendur hún nú í 6.954 stigum. Hún er einungis 8,5 prósentum hærri en um síðustu áramót.

Eilítið fleiri félög lækkuðu í kauphöllinni en hækkuðu í dag. Mesta hækkun dagsins var á hlutabréfum Century Aluminum eða um 6,33 prósent en bréf í Icelandair hækkuðu um 3,2 prósent og bréf í FL Group um 2,3 pósent. Þá hækkaði færeyska félagi Atlantic Petroleum um rúm tvö prósent.

Eik banki lækkaði hins vegar mest í dag eða um 2,8 prósent og Marel um 1,7 prósent. Enn fremur lækkaði gengi bréfa í Atorku um 1,3 prósent og í Existu um 1,2 prósent. Gengi krónunnar styrktist um 0,5 prósent og stendur gengisvísitalan í 120 stigum.