Dregið verði úr óeðlilegum kostnaði skuldara við innheimtu

Björgvin G. Sigurðsson viðskiptaráðherra kynnti á ríkisstjórnarfundi í dag frumvarp til laga um innheimtukostnað.

Því er ætlað að setja ákveðnar reglur um innheimtu til hagsbóta fyrir neytendur, meðal annars með því draga úr óeðlilegum kostnaði skuldara vegna innheimtuaðgerða á frumstigi eins og ráðherra orðar það á heimasíðu sinni.

Þannig á að takmarka í reglugerð hámarksfjárhæð innheimtukostnaðar, þar á meðal þóknun sem hægt er krefja skuldara um. Þannig ættu skuldarar þess kost að ganga frá skuld sinni innan tiltekins frests með lágmarkskostnaði áður en lánardrottnar gripu til innheimtuaðgerða á grundvelli réttarfarslaga. Myndu lánardrottnar senda skuldurum viðvörun áður en lagaleiðin væri farin. Lánardrottnar gætu þó leitað aðstoðar lögmanns eða annars innheimtuaðila en bæru sjálfirábyrgð á hugsanlegri greiðslu til hans umfram lágmarkskostnað.

Frumvarpið snertir meðal annars innheimtustarfsemi lögmanna, banka, sparisjóða og annarra lánastofnana og verðbréfafyrirtækja.