Aukin bjartsýni hjá neytendum

Aukinnar bjartsýni gætir hjá neytendum hér á landi ef marka má nýja væntingarvísitölu Gallups. Greint er frá því í Morgunkorni Glitnis að neytendur hafi verið bjartsýnni í október en í september og órói á fjármálamörkuðum að undanförnu virðist ekki hafa dregið úr væntingunum.

Þegar neytendur horfa til næstu sex mánaða gætir einnig aukinnar bjartsýnni miðað við síðustu mánuði. Fólk metur stöðu efnahagslífsins og atvinnuástand einnig gott en vísitala fyrir atvinnuástand lækkaði heldur yfir sumarmánuðina. Telur greiningardeild Glitnis ekki loku fyrir það skotið að niðurskurður þorskkvóta hafi haft þar áhrif.