Sterk króna skaðar meira en niðurskurður þorskkvótans

Sterk staða krónunnar skaðar sjávarútveginn jafnvel meira en niðurskurður þorskkvótans, að mati sjávarútvegsráðherra. Formaður útvegsmanna segir biðlund þeirra gagnvart Seðlabankanum á þrotum. Þessu var haldið fram á aðalfundi Landssamband útvegsmanna í dag.

Útvegsmenn ætla á tveggja daga aðalfundi sínum að verja mestum tíma til að kafa ofan í vísindi Hafrannsóknarstofnunar og meta hversu trúverðug veiðiráðgjöf fiskifræðinganna er. Þeir virðast hins vegar alveg vissir um að hagfræðingar Seðlabankans eru á villigötum.