Keyptu lóðir í Hafnarfirði fyrir milljarð

Félag í eigu Ólafs Garðarssonar lögmanns og Magnúsar Jónatanssonar athafnamanns hefur keypt fasteignir á þremur iðnaðarlóðum við hafnarsvæðið í Hafnarfirði. Samkvæmt heimildum Vísis er kaupverðið um einn milljarður króna.

Um er að ræða eignir við Óseyrarbraut 1 og 3 og Hvaleyrarbraut 4. Þar standa nú hrörleg iðnaðarhúsnæði en samkvæmt heimildum Vísis áætla Ólafur, Magnús og félagar þeirra að fá deiluskipulagi Hafnafjarðarbæjar breytt svo að þar megi rísa íbúðarhúsnæði.

Aðspurður um áætlanir sínar með þessar eignir sagði Ólafur Garðarson að hann vonaðist til að á svæðinu yrði blómleg byggð í framtíðinni.