Gripinn glóðvolgur í innbroti

Karl á fertugsaldri var handtekinn á Laugavegi um þrjúleytið í nótt en sá gekk beint í flasið á lögreglumönnum sem höfðu fengið tilkynningu um innbrot. Maðurinn var með felgulykil og bakpoka í fórum sínum og sagðist hafa fundið hvorutveggja í fyrirtækinu sem hann var á leið út úr þegar hann mætti laganna vörðum.

Skýringar mannsins þóttu lítt trúverðugar og var hann handsamaður eins og fyrr segir. Og um hálfsjöleytið í morgun var tæplega fertug kona handtekin í Háaleitishverfi en þar hafði hún reynt að brjóta sér leið inn í hús. Hún var með exi í fórum sínum. Konan var flutt á lögreglustöð en þar kom jafnframt í ljós að hún var líka eftirlýst fyrir aðrar sakir.