Innlent

Ferðir fagráða kosta borgarsjóð 15 milljónir kr.

Ferðir fimm fagráða borgarstjórnar hafa kostað borgarsjóð rétt rúmlega 15 milljónir króna það sem af er kjörtímabilinu. Um er að ræða fræðslu- og kynnisferðir og hefur þumalfingurreglan í borgarpólitíkinni verið sú hingað til að öll fagráðin fái eina slíka ferð á hverju kjörtímabili.

Samkvæmt upplýsingum sem Vísir.is hefur fengið frá bókhaldi borgarinnar var kostnaður við hverja ferð sem hér segir:

Ferð skipulagsráðs til Barcelóna og Berlínar, þar sem 14 fóru með, kostaði borgarsjóð rúmlega 3,5 milljónir kr.

Ferð umhverfisráðs til Seattle, þar sem 11 fóru með, kostaði borgarsjóð rúmlega 2,5 milljónir kr.

Ferð stjórnar íþrótta- og tómstundaráðs til Barcelóna, þar sem 12 fóru með, kostaði borgarsjóð tæpar 2 milljónir kr.

Ferð framkvæmdaráðs til Kanada, þar sem 17 fóru með, kostaði borgarsjóð tæpar 5 milljónir kr.

Ferð menningar- og ferðamálaráðs til Boston, þar sem 12 munu fara með, mun samkvæmt áætlun kosta borgarsjóð rúmlega 2 milljónir kr.

Mest lesið


Fleiri fréttir

Sjá meira


×

Mest lesið