Hægt að vera góður Evrópubúi utan ESB

Forsætisráðherra hrósar Evrópusambandinu vegna aðgerða í umhverfismálum en ítrekar um leið þá afstöðu af hægt sé að vera góður Evrópubúi utan sambandsins.

Í ræðu sinni á lokadegi NATO-þingsins í Laugardalshöll í morgun lagði forsætisráðherra áherslu á baráttuna gegn hryðjuverkum. Hann ræddi einnig loftlagsmál og baráttuna um siglingarleiðir nærri norðurpólnum. Einnig gerði hann umtalsefni varnarstöðu Íslands eftir brotthvarf Bandaríkjahers.

Ráðherra var spurður um afstöðu Íslands til Evrópusambandsins. Hann sagði ekki áformað í náinni framtíð að ganga inn í ESB og sagði auðvelt að vera dyggt Evrópuríki utan sambandsins.

Þegar kom að umhverfismálum sagði forsætisráðherra að Íslendingar teldu sig ábyrga í þeim efnum. Hann sagði Íslendinga tilbúna til náins samstarfs til að finna lausn á málum eftir að Kyoto-bókunin rennur út. Hann hrósaði ESB fyrir ýmislegt sem sambandið hefði gert í málaflokknum en sagði að ýmis ríki, sem hann vildi ekki nefna á nafn, væru að draga lappirnar í málinu.