Beckham landar milljóna samningi við Cavalli

Victoria Beckham hefur landað milljóna samningi við tískukonunginn Roberto Cavalli og mun hann ætla að sjá um að gera klæðaburð kryddpíanna óaðfinnanlegan í væntanlegri endurkomutónleikaferð sem hefst í byrjun desember.

Jogginggallar íþróttakryddsins Mel C. fá að fjúka fyrir 250 milljón króna hönnun Cavallis. Beckham mun vera heitur aðdáandi Cavalli auk þess sem tískudrósirnar eru góðir vinir. Nýi samningurinn kemur sér vel þar sem Mel C er meidd á hné og verða píurnar sökum þess að draga úr fyrirhuguðum danssveiflum. Þær munu í staðin geta dregið að sér athygli með glæsiplöggum sem verða sérsniðin og eiga að hæfa stíl hverrar fyrir sig.