Melahverfi kemur út úr skápnum

Í síðustu viku voru merkingar við Melahverfi í Hvalfjarðarsveit endurbættar. Sumir þekkja Melahverfið betur undir nafninu Hagamelur. Segja má að Melahverfið hafi verið hálfgert leynihverfi, því það var mjög illa merkt. Farið var fram á bættar merkingar við Vegagerðina og nú eru þær komnar upp. Greint er frá þessu á vefsíðu sveitarinnar

Búið er að merkja Melahverfið með áberandi gulu skilti við þjóðveginn/hringveginn, eins og sjá má á meðfylgjandi myndum. Enn fremur sést nú á stóru skilti hversu margir km eru frá Melahverfi til Reykjavíkur annars vegar og til Akureyrar (!) hins vegar.

Að lokum var skilti um 30 km/klst. hámarkshraða flutt til og sett á réttan stað fyrir neðan byggðina í Melahverfi. Þannig gefur það öllum ökumönnum til kynna að Melahverfi er þéttbýlisstaður þar sem skylt er að aka hægt og gætilega.