Byggðakvóti félagsleg aðstoð við forríkt fólk

Kristinn Pétursson, fyrrverandi fiskverkandi á Bakkafirði, segir að byggðakvótinn þar hafi verið afhentur þeim sem áttu mikinn kvóta fyrir og þannig verið félagsleg aðstoð við forríkt fólk. Úthlutun byggðakvótans hafi splundrað samfélaginu þar í frumeindir.

Kristinn Pétursson átti fiskvinnsluna Gunnólf á Bakkafirði en missti eignir sínar á nauðungaruppboði í vikunni. Hann segir að 70 tonna byggðakvóti hafi í fimm ár tilheyrt fyrirtækinu en hann verið tekinn af því fyrir fjórum árum og afhentur þeim sem áttu fyrir mikinn kvóta. Það hafi verið félagsleg aðstoð við forríkt fólk. Aðrir hafi verið skildir eftir á brókinni.