Spears og Federline gert að fara saman í ráðgjöf

Dómari hefur gefið Britney Spears og fyrrverandi eiginmanni hennar, Kevin Federline, fyrirmæli um að að fara saman í þrjú viðtöl hjá ráðgjafa áður en þau mæta aftur fyrir rétt þann 26. október næstkomandi.

Dómarinn, Scott Gordon, hefur einnig sett Britney þau skilyrði að hún þurfi að gangast undir regluleg lyfjapróf ef hún vill freista þess að halda heimsóknarleyfinu. En á miðvikudag úrskurðaði Gordon að hún mætti hitta syni sína á heimili Federline undir eftirliti.

Ef Britney fer ekki að fyrirmælinum dómarans missir hún heimsóknarleyfið samstundis.