Kennt að flá og elda kött í Bónus

Í verslunum Bónus er nú hægt að kaupa tímaritið INN sem sagt er vera fyrir húseigendur. Það hefur hinsvegar vakið athygli þeirra sem keypt hafa INN að í því er kennt að flá, brytja niður og elda ketti.

Hér grípum við niður í textann: "Við skulum gera ráð fyrir því að kötturinn sé dauður. Þá tekur þú þér í hönd stórann slátrarahníf og heggur haus, lappir og rófu af skepnunni. Þá ristir þú kvið kattarins og fláir hann og hreinsar allt innvols...."

Þess er getið í textanum að sælkerar vilja að fláningin sé misjöfn. Með þessu fylgir svo uppskrift af bjórsteiktum ketti þar sem koma við sögu m.a. einn köttur skorinn í sneiðar og einn dökkur bjór en þetta á að malla í eina sex tíma.

Sannast hér hið fornkveðna að til eru fleiri en ein leið að flá kött.