Vilja þyrlubjörgunarsveit á Akureyri

Níu þingmenn úr Norðausturkjördæmi hafa lagt fram þingsályktunartillögu þessa efnis að Landhelgisgæslan haldi úti björgunarþyrlu frá Akureyri.

Samkvæmt tillögunni á Alþingi að fela ríkisstjórninni að tryggja að Landhelgisgæslan haldi úti björgunarþyrlu frá Akureyri. Í greinargerð með tillögunni kemur meðal annars fram að faglega ætti ekkert að vera því til fyrirstöðu að byggð verði upp þyrlubjörgunarsveit á Akureyri. Telja þingmennirnir að þetta tryggi öryggi sjófarenda á svæðinu sem og sjúkraflug.

Flutningsmenn eru Birkir J. Jónsson, Kristján Þór Júlíusson, Valgerður Sverrisdóttir, Steingrímur J. Sigfússon, Arnbjörg Sveinsdóttir, Einar Már Sigurðarson, Þuríður Backman, Ólöf Nordal og Höskuldur Þórhallsson.