Innlent

HS að renna úr greipum Suðurnesjamanna

Hitaveita Suðurnesja er að renna okkur úr greipum, segir Guðbrandur Einarsson bæjarfulltrúi í Reykjanesbæ. Hið sameinaða félag Reykjavík Energy Invest og Geysir Green Energy á nú tæpan helming í Hitaveitunni og fer með forræði yfir félaginu, segir Guðbrandur.

Þau tíðindi bárust í gær að tvö stærstu orkuútrásarfyrirtæki landsins hafa verið sameinuð undir nafni Reykjavík Energy Invest. Mikil ólga er í kringum þessa sameiningu sem bar mjög brátt að. Fulltrúi minnihlutans í stjórn Orkuveitu Reykjavíkur gagnrýndi málshraðan harkalega í fréttum Stöðvar 2 í gær og í Morgunblaðinu í dag kemur fram að harðar deilur séu meðal borgarfulltrúa sjálfstæðisflokksins vegna málsins. Ekki náðist í neinn þeirra í morgun.

En Guðbrandur Einarsson í minnihluta bæjarstjórnar Reykjanesbæjar er verulega ósáttur við samrunann og hefur talað um Reykjanesbær hafi orðið leiksoppur fjármálajöfra. Guðbrandur segir Árna Sigfússon, bæjarstjóra í Reykjanesbæ, ekki hafa staðið sig í þessu máli. Hann hafi haldið því fram að Geysir Green Energy væri fýsilegur samstarfsaðili til framtíðar fyrir Hitaveitu suðurnesja.

Guðbrandur var frá upphafi mótfallinn aðkomu Geysis Green að Hitaveitunni. Málið er allt upp í loft, segir Guðbrandur, óvissan sé mikil.

Mest lesið


Fleiri fréttir

Sjá meira


×

Mest lesið