Ráðherra boðar afnám stimpilgjalda

Stimpilgjöld á fasteignaviðskiptum verða afnumin á yfirstandandi kjörtímabili og persónuafsláttur hækkaður. Þetta kom fram í máli Árna M. Mathiesen, fjármálaráðherra, á Alþingi í morgun. Þá verða skattar á fyrirtæki einnig lækkaðir.

Árni M. Mathiesen, fjármálaráðherra, mælti fyrir fjárlögunum á Alþingi í morgun. Sagði hann fjárlagafrumvarpið leggja áherslu á uppbyggingu menntamála, samgöngumál og styrkingu velferðarkerfisins. Þá sagði hann að markmiðið á næstu árum væri að stuðla auknu jafnvægi í efnhagsmálum.

Jón Bjarnason, þingmaður Vinstri grænna, kallaði frumvarpið "vinnuplagg" og gagnrýndi hækkanir á komugjöldum á heilbrigðisstofnanir og til sérfræðilækna.