Skilorðsbundið fangelsi fyrir þjófnað

Héraðsdómur Reykjavíkur hefur dæmt karlmann í eins mánaðar skilorðsbundið fangelsi fyrir þjófnað í verslunum og fyrir að nyta matar á tveimur veitingastöðum án þess að greitt fyrir hann.

Maðurinn var ákærður fyrir að hafa stolið matvörum úr verslun í bænum fyrir nærri átta þúsund krónur og leðurjakka og tveimur rakspíraglösum úr annarri búð, samtals að verðmæti rúmlega 26 þúsund krónur. Þá var hann ákærður fyrir að hafa neytt veitinga fyri rúmlega tíu þúsund krónur á tveimur stöðum án þess að geta greitt fyrir þær.

Maðurinn játaði brot sín en hann hafði áður gerst sekur um þjófnað. Þá var maðurinn dæmdur til að greiða versluninni þar sem hann stal leðurjakkanum og rakspíranum bætur vegna þjófnaðarins.