Reykingabann veldur ólátum

Veitingamenn í miðborginni segja illa skipulagt reykingabann helstu orsök óláta í miðborginni að undanförnu. Sala á bjór og áfengi til veitingastaða hefur dregist saman um fimmtán prósent frá því bannið tók gildi.

Á fjórða tug veitingahúsaeigenda í miðborginni hefur stofnað mér samtök um hagsmunamál sín. Hjá þeim starfa um þúsund manns, þ.a. um 150 dyraverðir. Á fundinum kom fram að veitingamenn í miðborginni þjóna um 25 þúsund manns á kvöldin um helgar. Forsvarsmenn félagsins fagna aukinni og sýnilegri löggæslu í miðborginni sem þeir segja að skili árangri.

Baldvin Samúelsson talsmaður Félags kráareigenda segir stofnun félagsins ekki vera mótvægisaðgerðir að hálfu veitingamanna. Miklu frekar sé um að ræða tilboð um samstarf.

Veitingamenn telja skemmri og samræmdan lokunartíma ekki leysa neinn vanda. Þeir minna á að fáar atvinnugreinar séu undir eins miklu opinberu eftirliti en lítið sé um samráð. Stofnun Félags kráreigenda sé tilraun til að bæta samstarfið. Útfærsla reykingarbannsins hafi t.d. verið vanhugsuð.

Baldvin segir alveg klárt að reykingabannið hafi átt stóran þátt í vaxandi ólátum í miðborginni.

Veitingamenn fullyrða að sala á bjór og sterku áfengi á börum borgarinnar hafi minnkað um 15 prósent frá því reykingabannið tók gildi í júní og vilja opna á umræðu um nýja útfærslu á banninu.