Svigrúm verði fyrir launahækkanir fyrir leikskólastarfsmenn

Fulltrúar minnihlutans í leikskólaráði borgarinnar beina því til borgarráðs að í launaáætlun næsta árs verði gert ráð fyrir svigrúmi til að nýta ákvæði gildandi kjarasamninga við bæði leikskólakennara sem og annað starfsfólk leikskólanna.

Var bókunin gerð í kjölfar þeirra tíðinda á fundi leikskólaráðs að enn vantaði 150 manns á leikskóla borgarinnar. Jafnframt hvetja fulltrúar Samfylkingarinnar, Vinstir - grænna og frjálslyndra skrifstofu borgarstjóra til að flýta útreikningum og sundurliðun á launakostnaði hjá öllum sviðum borgarinnar sem leikskólaráð bað um á fundi sínum þann 15. ágúst síðastliðnum.

Bendir minnihlutinn á skjót viðbrögð dómsmálaráðherra um álagsgreiðslur til handa lögregluþjónum vegna manneklu í þeirra röðum. Nú sé komið að hinni stóru kvennastétt sem starfar í leikskólum borgarinnar.