Krónan er ekki böl

Geir H. Haarde, forsætisráðherra, segir umræðuna um krónuna á villigötum og að krónan sé ekki sérstakt böl á íslenska hagkerfinu. Þetta kom fram í máli ráðherra í utandagskráumræðu á Alþingi í dag.

Í ræðu sinni benti forsætisráðherra á að sveiflur íslensku krónunnar miðað við aðra hávaxtagjaldmiðla væru litlar. Ennfremur sagði hann að stærri gjaldmiðlar sveifluðust líka og að hans mati væri umræðan um krónuna því á villigötum.

Tók hann undir orð Steingríms J. Sigfússonar, formanns Vinstri grænna, sem sagði á Alþingi í gær að upptaka evrunnar myndi ekki tryggja stöðugleika í efnhagslífinu.