Guðni var skemmtilegastur

Vísir fékk Einar Mar Þórðarson stjórnmálafræðing til að leggja mat sitt á ræður formanna stjórnmálaflokkanna á Alþingi í gærkvöld. Ræðurnar voru líflegar eins og venja er þegar forsætisráðherra flytur stefnuræðu. Einar Mar hafði þetta að segja um málið: Geir H. Haarde

Geir var ágætur. Hann lagði upp stefnu ríkisstjórnarinnar eins og hún verður unnin í vetur. Þetta var í raun framhald af stefnuræðu hans frá því í vor þar sem stefna þessarar ríkisstjórnar var kynnt í fyrsta skipti Ingibjörg Sólrún Gísladóttir

Ingibjörg flutti ágæta ræðu. Hún er komin í nýtt hlutverk sem utanríkisráðherra og formaður annars stjórnarflokksins. Það er greinilegt að hún er að finna ágætis samtakt með Geir Haarde Steingrímur J. Sigfússon

Steingrímur J. Sigfússon flutti skelegga og góða ræðu. Hann var með flest á hornum sér eins og við var að búast. Hann gagnrýndi ríkisstjórnina og þá sértaklega Samfylkinguna. Guðni Ágústsson

Guðni flutti tvímælalaust skemmtilegustu ræðuna. Framsóknarflokkurinn er í þeirri einkennilegu stöðu að vera ný komin úr ríkisstjórn. Gagnrýni Guðna á ríkisstjórnina, til dæmis á efnahagsstjórn, hittir þess vegna hann sjálfan illa fyrir. Guðjón Arnar Kristjánsson

Guðjón Arnar Kristjánsson lagði áherslu á sjávarútvegsmál og landsbyggðina eins og við var að búast. Það vakti svolitla athygli að í ræðu sinni var Guðjón ekki að gagnrýna stefnuræðu forsætisráðherra heldur lagði hann meiri áherslu á að kynna stefnu síns eigin flokks. Hann hefði þurft að gera það svolítið skýrar.