Sérstakt eftirlit með erlendu vinnuafli

Í það minnsta 1700 erlendir verkamenn starfa hér á landi en eru hvergi skráðir. Sérstakt eftirlitsátak vegna erlendra starfsmanna hófst í dag og stendur næstu mánuði.

Talið er að um 17 þúsund erlendir starfsmenn starfi á íslenska vinnumarkaðnum. Vitað er að um 1700 þeirra eru ekki skráðir hjá Vinnumálastofnun. Þá leikur grunur á að fjölmargir til viðbótar séu ekki löglega skráðir í vinnu. Þegar rúta með erlendum verkamönnum fór út af í Bessastaðabrekku í ágúst kom í ljós að meirihluti þeirra verkammanna voru óskráðir.

Félagsmálaráðuneytið boðaði í kjölfarið hertara eftirlit og í dag hleypti ráðuneytið í samstarfi Vinnumálastofnun og ASÍ af stokk sérstöku eftirlitsátaki með fyrirtækjum undir yfirskriftinni allt í ljós. Á blaðamannafundi sem haldin var vegna átaksins kom fram að síðan til átaksins var boðað hafa nýskráningar á erlendum starfsmönnum þrefaldast. Félagsmálaráðherra sagði að hart verði tekið á brotum á vinnulöggjöfinni, meðal annars með dagsektum, þvingunaraðgerðum og tímabundinni stöðvun á starfssemi fyrirtækja.