Leifur Örn á topp Cho Oyu

Leifur Örn Svavarsson fjallaleiðsögumaður náði tindi Cho Oyu, sjötta hæsta fjalls heims, í nótt. Hann var í hópi manna sem gengu á tindinn sem er í 8201 metra hæð.

Eftir því segir í tilkynningu frá Íslenskum fjallaleiðsögumönnum hefur ekki náðst í Leif til þess að fá nánari fréttir af afrekinu en reiknað er með að hann komi í efri grunnbúðir fjallsins á morgun. Þá kemur væntanlega í ljós hvort Leifur fór á tindinn án súrefnis eins og hann stefndi að.

Um tíma blés ekki byrlega fyrir Leifi og leiðangursfélögum hans og leit jafnvel út fyrir að ekkert yrði af ferðinni á toppinn vegna veðurs. Það breyttist hins vegar.

Leifur er fimmti Íslendingurinn til þess að komast á topp Cho Oyu, en áður höfðu Everest-fararnir Björn, Einar og Hallgrímur komist upp og þá varð Anna Svavarsdóttir fyrst íslenskra kvenna á fjallið árið 2003.