Moore hrukkótt þrátt fyrir lýtaaðgerðir

Nýjustu myndir af Demi Moore gefa til kynna að hún hafi ekki heimsótt lýtalækninn sinn nýlega. Hin 44 ára leikkona viðurkenndi á dögunum opinberlega að hún hafi eytt um 30 milljónum íslenskra króna í lýtaaðgerðir en eins og meðfylgjandi myndir bera með sér þá spretta hrukkur og augnpokar fram sem aldrei fyrr.

Leikkonan hefur meðal annars viðurkennt að hafa farið í fitusog, brjóstastækkun og í reglulegt botox. Það gerði hún meðal annars með það að markmiði að reyna að blása lífi í æ daufari kvikmyndaferil sinn. Þær fyrirætlanir hafa þó ekki gengið eftir og er spurning hvort leikkonan ætli nú að leyfa náttúrunni að hafa sinn gang eða hvort hún hafi hreinlega gleymt að panta tíma.