Læknar LHS til alþjóðasveitarinnar

Slysavarnafélagið Landsbjörg og Landspítali hafa gert með sér samning um þátttöku lækna LSH í starfi Íslensku alþjóðasveitarinnar.

Samkvæmt samstarfssamningum sér Slysavarnafélagið Landsbjörg m.a. um stjórn, skipulag og kostnað vegna útkalla sveitarinnar. Í því felst m.a. að standa undir kostnaði vegna alls búnaðar, dagpeninga, bólusetninga og fleira. Eins mun félagið standa fyrir æfingum og gefa út handbók með nauðsynlegum upplýsingum fyrir þátttakendur í starfi sveitarinnar.

Landspítali mun tryggja að allaf sé a.m.k. einn læknir til taks í útkallsliði Íslensku alþjóðasveitarinnar. Læknar LSH í sveitinni koma til með að taka þátt í fræðslu og æfingum sem skipulagðar eru og spítalinn mun einnig útvega og geyma læknisbúnað og lyf sem sveitin þarf á að halda hverju sinni en Íslenska alþjóðasveitin greiðir allan kostnað.

Samingsaðilar telja samninginn styrkja starf Íslensku alþjóðasveitarinnar þar sem aðgengi að læknum og sérhæfðri þekkingu innan Landspítala verður í fastari skorðum í framtíðinni.