Kennaraháskólinn ryður braut á heimsvísu

Í dag náðist merkur áfangi í réttindabaráttu fatlaðs fólks til menntunar þegar Kennaraháskóli Íslands bauð þroskahamlaða nemendur sína velkomna á skólabekk.

Kennaraháskólinn býður nú starfstengt nám fyrir fólk með þroskahömlun á þroskaþjálfa- og tómstundabraut.

Með þessu átaki ryður Kennaraháskólinn braut en hann er fyrstur allra háskóla á Norðurlöndum til að skipuleggja nám fyrir þennan hóp.

Námið miðar að því að veita þroskahömluðum nýja möguleika. Kappkostað er að nemendurnir verði eftirsóttir starfskraftar að námi loknu, til dæmis við þroskaþjálfun, í æskulýðsstarfi og í leik- og grunnskólum.