Sundabraut ekki á dagskrá á næsta ári

Útgjöld til samgönguframkvæmda hækka um 13,6 milljarða króna þegar frá eru taldar almennir launa- og verðlagsútreikningar, samkvæmt fjárlagafrumvarpi fyrir árið 2008.

Í fyrsta lagi er lagt til að 7,2 milljörðum af söluandvirði Landssíma Íslands hf. verði varið til vegaframkvæmda, þar af eru 100 milljónir króna frá fyrra ári.

Í öðru lagi er ríflega 6, 1 milljarða hækkun framlags til samræmis við samgönguáætlun að teknu tilliti til flýtingu framkvæmda á samgönguáætlun sem mótvægisaðgerð vegna niðurskurðar á þorskkvóta.

í þriðja lagi er ósk um 260 milljóna króna tímabundið framlag vegna stofnkostnaðar Grímseyjaferðu. Framlagið færist á þennan lið en ekki á liðinn styrkir til ferja og sérleyfishafa.

Loks er gert ráð fyrir að 1530 milljónum króna vegna framkvæmda við Sundabraut verði frestað á næsta ári.