Miklu varið til að styrkja Landhelgisgæsluna

Í fjárlagafrumvarpi fyrir árið 2008 er gert ráð fyrir að útgjöld til löggæslu og öryggismála aukist um tæpar átján hundruð milljónir króna. Þar af nema launa- og verðlagshækkanir 180 milljónum króna.

Hækkunin skýrist að stærstum hluta af fimmtán hundruð milljóna króna hækkun á framlögum í Landhelgissjóð vegna kaupa á varðskipi og flugvél fyrir Landhelgisgæsluna. Aðrar breytingar að raungildi eru minniháttar.

Lagt er til að fjárveiting til Ríkislögreglustjóra verði aukin um tæpar 94 milljónir króna. Þar af eru 67,8 milljónir fjárheimildir sem flytjast frá öðrum embættum til Ríkislögreglustjóra.