Lohan í frí með föður sínum

Hollywoodstjarnan Linsey Lohan hefur fengið leyfi frá Cirque Lodge meðferðarstofnuninni í Utah til að fara með föður sínum í fimm daga frí.

Lohan og faðir hennar Michael Lohan höfðu ekki talað saman í tvö ár þegar hann kom og heimsótti hana í til Utah í lok júlí síðastliðinn. Feðginin hættu að talast við þegar Michael fór í fangelsi fyrir tveimur árum en hann hefur, eins og Lohan, átt við áfengisvanda að stríða. Nú hafa sættir náðst og hafa feðginin verið í daglegu símasambandi undanfarna daga.

Michael segist hlakka mikið til að eyða næstu dögum með dóttur sinni. Hún er komin á mjög gott ról. Hún hefur aldrei verið svona heiðarleg og einbeitt í því sem hún er að gera, segir hann í samtali við New York Daily News.

Lohan hefur verið í áfengis- og vímuefnameðferð síðan í byrjun ágúst og mun snúa aftur á meðferðarstofnunina að fríinu loknu.