Þingsetningarathöfn hafin

Þingsetningarathöfn 135. löggjafarþings Alþingis hófst fyrir um hálfri klukkustund með guðsþjónustu í Dómkirkjunni. Guðsþjónustunni lýkur eftir nokkrar mínútur og þá ganga þingmenn ásamt forseta Íslands inn í Alþingishúsið og forsetinn setur Alþingi og flytur ávarp.

Hægt er að fylgjast með ávarpinu á vef Alþingis.

Að því loknu verður sú nýlunda að strengjakavartett flytur Hver á sér fegra föðurland af áhorfendasvölum þinghússins. Að loknu ávarpi forseta þingsins verður hlé á þingsetningarfundi til klukkan fjögur þegar þingmenn koma aftur saman og fjárlagfrumvarpi ársins 2008 verður útbýtt.