Saving Iceland mótmæla í London

Samtökin Saving Iceland hyggja á mótmæli í London gegn ofsóknum íslenskra stjórnvalda gagnvart aðgerðarsinnum samtakanna. Mótmælin munu fara fram á þriðjudag. Samtökin berjast gegn þungri iðnvæðingu á Íslandi. Í yfirlýsingu segir að Ísland reyni að vísa öllum mótmælendum hreyfingarinnar úr landi.

Miriam Rose hafi áfrýjað ákvörðun um að henni skyldi vísað úr landi. Litið sé á mál hennar sem prófmál sem muni auðvelda yfirvöldum að vísa þeim sem berjast fyrir náttúrunni úr landi.

Þá segir að á sama tíma og forseti Íslands ferðist um heiminn og þiggi verðlaun fyrir sjálfbæra græna orku sé verið að eyðileggja síðustu mikilfenglegu óbyggðir Evrópu.

Samtökin taka fyrir það í yfirlýsingunni að þau hafi greitt Miriam Rose fyrir mótmælin.

Þá segir ennfremur að samtökin hafi upplýsingar um að stjórnvöl hafi nú þegar undirbúið að vísa öðrum mótmælendum sem handteknir voru úr landi.

Mótmælunum í London sé ætlað að afla málstað Miriam Rose alþjóðlegan stuðning.