Hoppaði í höfnina á Stokkseyri

Erilsamt var hjá lögreglunni á Selfossi í nótt. Klukkan fjögur var hún kölluð út þar sem kona hafði hoppað í höfnina á Stokkseyri. Ekki er vitað hvað henni gekk til, en henni var bjargað úr sjónum áður en lögregla og sjúkrabíll komu á staðinn.

Konan var flutt á sjúkrahúsið á Selfossi. Henni varð ekki meint af að öðru leiti en því að hún var köld og blaut. Hún var undir áhrifum áfengis.

Þá gengu óprúttnir náúngar um á Selfossi í nótt og kveiktu í rusli. Þeir voru með eldfiman vökva sem þeir helltu á aðalgötuna og kveiktu í. Ekki er vitað hverjir voru að verki.