Hópslagsmál á Klapparstíg

Lögreglunni á höfuðborgarsvæðinu var tilkynnt um hópslagsmál á Klapparstíg á sjötta tímanum í morgun. Sex menn tóku þátt í áflogunum og var einn rotaður þegar lögregla kom á vettvang. Hann var fluttur með sjúkrabíl á slysadeild. Enginn var handtekinn vegna málsins en það er í rannsókn hjá lögreglu.

Á sama tíma stöðvaði lögregla bíl í borginni. Lítilræði af fíkniefnum fannst í bílnum og var ökumaðurinn kærður fyrir að vera undir áhrifum fíkniefna við akstur. Í bílnum voru fimm piltar á aldrinum 17 til 18 ára. Hringt var í foreldra þeirra sem komu og sóttu þá.

Í miðborginni voru 20 manns handteknir fyrir brot á lögreglusamþykkt, flestir fyrir að kasta af sér vatni en aðrir fyrir óeðlilega hegðum. Þá gistu níu manns fangageymslur vegna ölvunar.