Stal 4000 vindlingum

Karlmaður var dæmdur í Héraðsdómi Suðurlands í morgun fyrir að brjótast inn í verslun við Landvegamót þann 17. september 2005. Athygli vekur að maðurinn stal engu nema tóbaki. Hann stal:

- Salem, 25 pökkum

- Salem Menthol White Box, 30 pökkum

- Winston Red Box, 50 pökkum

- Winston Blue Box, 40 pökkum

- Marlboro Red Box, 20 pökkum

- Marlboro White Box, 20 pökkum

- Camel lights, 5 pökkum

- Prince Red, 4 pökkum

- Prince Albert, 6 pökkum

Alls stal maðurinn því 200 vindlingapökkum eða 4000 vindlingum miðað við að 20 séu í hverjum pakka.

Áætlað verðmæti varanna er samtals 88 þúsund krónur.

Maðurinn var einnig fundinn sekur um að keyra undir áhrifum áfengis. Hann var dæmdur til að greiða 150 þúsund krónur í sekt. Jafnframt var hann sviptur ökuréttindum í eitt ár.