Milljón á hvern grunnskólanema á ári

Áætlaður rekstrarkostnaður á hvern nemanda í grunnskólum landsins á þessu ári verður nærri 968 þúsund krónur samkvæmt útreikningum sem birtir eru á vef Hagstofunnar.

Er það um 40 þúsund krónum meira en í fyrra þegar meðalrekstrarkostnaðurinn var 926 þúsund krónur. Fram kemur í frétt Hagstofunnar að þessi upphæð sé reiknuð út ár hvert og eru útreikingarnir byggðir á ársreikningum sveitarfélaga fyrir liðið ár en tekið er tillit til verðlagsbreytinga til þess dags sem útreikningurinn er gerður.