Tveir ákærðir fyrir líkamsárás

Tveir menn voru ákærðir fyrir líkamsárás í héraðsdómi í dag. Annarsvegar var um að ræða árás fyrir utan veitingastaðinn Kaffi Viktor í febrúar s.l. og hinsvegar árás fyrir utan skemmtistaðinn Glaumbar í ágúst s.l.

Sá sem ákærður er fyrir árásina fyrir utan Kaffi Viktor er gefið að sök að hafa veist að manni og m.a. snúið þannig upp á handlegg hans að af hlaust snúningsbrot á vinstri upphandlegg.

Sá sem kærður er fyrir árásina fyrir utan Glaumbar er gefið að sök að hafa kýlt mann í andlitið þannig að hann hlaut skurð á nefi og þurfti að sauma hann saman með þremur sporum.