Valur IS kominn til hafnar

Lóðsinn á Ísafirði kom með Val IS til hafnar um kvöldmatarleytið. Áður hafði björgunarskip Landsbjargar á Ísafirði, Gunnar Friðriksson, komið línubátnum Val IS-18 frá Súðavík til aðstoðar. Skipin lágu fyrr í dag í vari undir Bjarnarnúp.

Valur ÍS varð aflvana í Jökulfjörðum. Landhelgisgæslan fékk upplýsingar skömmu fyrir tvö um að báturinn, sem er 158 brúttólesta bátur hefði tilkynnt um vélarbilun í Jökulfjörðum, um eina sjómílu frá landi austan frá Slétteyri. 8 manns voru um borð.

Björgunarskip og hafnsögubátur frá Ísafirði voru kallaðir út. Sædísin kom fyrst að Val um klukkan hálfþrjú. Gunnar Friðriksson kom á

staðinn klukkan tíu mínútur í þrjú. Samkvæmt upplýsingum um borð í Gunnari hefur ferð þeirra til hafnar gengið vel og áfallalaust.