Guðfinna kallar eftir opinskárri umræðu um Evrópusambandsaðild

Andstæðingar Sjálfstæðisflokksins hafa löngum haldið því fram að umræðu um Evrópusambandsaðild og upptöku evru væri haldið niðri í flokknum og hún jafnvel bönnuð. Ályktun Sambands ungra sjálfstæðismanna nýlega sýnir annað en þar telja menn tímabært að taka til alvarlegrar skoðunar kosti og galla þess fyrir íslenskt hagkerfi, almenning og athafnalíf, að halda úti eigin mynt. Ef sú niðurstaða fæst, segja SUS-arar, að hagsmunum Íslands sé best borgið án sjálfstæðrar myntar er rétt að kanna hvort unnt sé, á grundvelli samningsins um Evrópska efnahagssvæðið, að tryggja aðild Íslands að Myntbandalagi Evrópu án aðildar að Evrópusambandinu. Úr þingliði sjálfstæðismanna heyrist nú kall eftir opinskárri umræðu um Evruna og Evrópusambandsaðild, frá Guðfinnu S. Bjarnadóttur.