Bæjarstjórinn miður sín

Helga Jónsdóttir, bæjarstjóri í Fjarðarbyggð, segist vera afskaplega miður sín vegna þess að til uppsagna á Eskifirði hafi þurft að koma. Eskifjörður er einn af þéttbýliskjörnunum í Fjarðarbyggð. Helga segir að töluverður hluti hópsins sé kominn með vinnu annarsstaðar og aðrir eigi von á því að komast í störf. Nokkrir hafi verið ráðnir til haffiskverkunarfyrirtækis og þá hafi einhverjir verið ráðnir á hjúkrunarheimili

"Ég tel ómögulegt að segja til um hvort fólkið haldi þeim tekjum sem það hafði hjá Eskju. En það er mikil blessun að fólkið hafi einhverja vinnu að ganga í". Helga segir að uppsagnirnar komi sér ekki á óvart. Þetta hafi legið í loftinu frá því að tilkynnt var um niðurskurð í þorskaflaheimildum.