Byggð þétt við Sléttuveg neðst í Fossvogsdalnum

Til stendur að þétta byggð neðst Fossvogsdalnum með uppbyggingu 13, raðhúsa, 16 tvíbýlishúsa og sex hæða fjölbýlishúss við Sléttuveg.

Fram kemur á vef framkvæmdasviðs borgarinnar að undirbúningur að úthlutun lóða þar standi yfir og er gert ráð fyrir að byggingarréttur verði auglýstur fyrstu viku októbermánaðar. Byggingarsvæðið afmarkast af Sléttuvegi, Háaleitisbraut, Fossvogsvegi og Kringlumýrarbraut og verða góðar tengingar við útivistarsvæði.

Á svæðinu er enn fremur gert ráð fyrir sambýli fyrir fatlaða og þá hyggjast bæði Hrafnista og Samtök aldraðra reisa íbúðir þar. Nemendagarðar eru einnig fyrirhugaðir á svæðinu.